UMPAMA NI HUTANTA

Hobas sian Tipang sahat tu Lintongnihuta

Tolhas tu Sipagabu nang tu Bahalbatu,

Horas ma sude angka hula-hulana

Horas muse ma nang angka boru.

——————————————–

Marhuta di Butar deba di Lobutua

Mangarerak sahat tu Parhorboan,

Marpaboa hita di las ni roha

Masiurupan dohot di sitaonon.

———————————————

Habang tu Nagasaribu

Sibarung sian Sipultak,

Lam tamba ma angka pasu-pasu

Di Pomparan ni ompunta Borsak.

——————————————————–

Marhuta di Pahae marjabu di Tanah Jawa

Tubu di Sibaragas magodang di Kutacane,

Anakhon marhasil dicita-citana

Tu Tuhanta ma tadok Mauliate.

———————————————————

Kopi di Sidikalang Tusam di Pagaran

Partopa di Sitampurung pacuan Silaitlait,

Horas ma hita na di Parserahan

Horas muse na di Bona Pasogit.

———————————————————-

Ro tu Onanganjang laho tu Sibolga

Lan do di Barus tu Timur Indonesia,

Sada ma hita tong di punguanta

Dao ma antong angka parbada-bada.

———————————————————-

Dengke ni Tao Toba

Tabo dibahen lompan,

Denggan ma di angka hata

Tingkos muse nang pambahenan.

————————————————————

dikutip dari,

Manalsal A.L. Toruan

No. 17 – Ompu Binjori